AAGAYE SARKAR MERE  AAGAYE LYRICS

*Aagaye Sarkar Mere Aa Gaye*
*Har taraf abr-e-baharaan chha gaye*

*Roshni phaili hai jin ki Arsh tak* 
*Woh Zia-e-Aalam-Aara aa gaye* 

*Bi Halima ka naseeba marhaba* 
*Jin ki kutya Sayyed-e-Batha gaye* 

*Aaj hai masroor khalqat is liye* 
*Jaan-e-Aadam Jaan-e-E’esa aa gaye* 

*Har ilaqa har gali kyun na saje* 
*Aaj Mahboob-e-Ta’ala aa gaye* 

*Nabz-e-aalam jaise ke tham si gayi*
*Chhor kar aalam ko jab Aaqa gaye* 

*Koi pohnche Toor ko koi charkh tak*
*Mere Aaqa Arsh se baala gaye* 

*Aap ka saani nahi saaya nahi* 
*Yakta hi aaye the aur yakta gaye* 

*Kyun na hoon hum shaadmaan aye Najdiya*
*Hum aseeron ke sahaara aa gaye* 

*Kya likhe koi tumhare khulq par*
*Qalb-e-a’da ko bhi jab tum bha gaye* 

*Aap ne jis ko nawaza, bol utha* 
*Maanga tha qatra baha darya gaye* 

*Eid’on ki hai Eid beshak Barhween* 
*Aala Hazrat hum ko yeh batla gaye* 

*Jashn-e-aamad jab kiya Ayyub ne*
*Najdiyon ke chehre kyun murjha gaye* 

✍️ *Muhammad Ayyub Raza Amjadi, Kolkata*