HUZOOR AA GAYE LYRICS

*Khoob khushiyan manao Huzoor aa gaye*
*Jhoom kar yeh sunao Huzoor aa gaye*

*Tajdaron se jaakar yeh keh dijiye*
*Ba-adab sar jhukaao Huzoor aa gaye*

*Muzda-e-jaan-fiza hai hamare liye*
*Gham-zado muskarao Huzoor aa gaye*

*Noor hi noor hai har taraf marhaba*
*Jashn-e-aamad manao Huzoor aa gaye*

*Rahmat-e-Kibriya aaj hai josh par*
*Khoob khairaat pao Huzoor aa gaye* 

*Jashn-e-Milad-e-Sarwar ki hai dhoom dhaam*
*Wajd mein gungunao Huzoor aa gaye* 

*Padh ke naat-e-Nabiﷺ doston aap bhi*
*Apne dil jagmagao Huzoor aa gaye* 

*Baarhween par charaghan karo sunniyo’n*
*Najdiyon ko jalao Huzoor aa gaye*

*Bilyaqeen Rab se in’aam paoge tum*
*Apne ghar ko sajao Huzoor aa gaye*

*Bazm-e-jashn-e-wiladat sajakar ke tum*
*Apni qismat jagao Huzoor aa gaye*


*Unki aamad ka naara hai ab ja-baja*
*Tum bhi naara lagao Huzoor aa gaye*

**Aaj fart-e-masarrat mein Ayyub tum* 
**Khoob dhoomein machao Huzoor aa gaye* 

: ✍️Muhammad Ayyub Raza Amjadi, Kolkata*