MUZDA BAAD AE ASIYO LYRICS
Muzda-baad, Aye ‘Aasiyo ! Shafe’ shah-e-abraar hai
Tahniyat, Aye mujrimo ! zaat-e-Khuda Gaffaar hai
‘Arsh saa farsh-e-zameen hai, farsh-e-paa ‘arsh-e-baree
Kya niraali tarz ki naam-e-Khuda raftaar hai
Chaand Shaq Ho, Ped Bole, Jaanwar Sajde Kare
Baarakallah marja’-e-‘aalam yahi sarkaar hai
Jin ko soo-e-aasmaa.n phaila ke jal thal bhar diye
Sadqa un haatho.n ka, pyaare ! ham ko bhi darkaar hai
Lab zulaal-e-chshma-e-kun me gundhe waqt-e-Khamir
Murde zinda karna, ai jaan ! tum ko kya dushwaar hai
Gore gore paanw chamka do KHuda ke waasite
noor ka tadka ho, pyaare ! Gor ki shab taar hai
Tere hi daaman pe har ‘aasi ki pa.Dti hai nazar
Ek jaan-e-be-KHata par do jahaa ka baar hai
Josh-e-toofaa.n bahr-e-be-paayaa.n hawa naa-saazgaar
Nooh ke maula karam kar le to beda paar hai
Rahmatullil-‘aalmee.n teri duhaai dab gaya
Ab to maula be-tarah sar par gunah ka baar hai
Hairate hain aaina-daar-e-wufoor-e-wasf-e-gul
Un ke bulbul ki Khamoshi bhi lab-e-izhaar hai
Goonj goonj utthe hain nagmaat-e-Raza se bostaa
Kyu na ho kis phool ki midhat me waa minqaar hai
